Atuarfik peqqinnartoq

Meeqqat tamarmik pitsaasumik pissarsiaqarnartumillu ulluinnarni atuarfeqarnissaat kissaatigaarput, matumani aamma pinnguarnermut ullorlu tamaat ilikkagaqarnissamut nukissaqarluarnissaq kissaatigalutigu.

Meeqqat tamarmik inuussutissat timersornerlu pillugit atorsinnaasaminnik ilisimasanik pinissaat kissaatigaarput.

NIF-imi unikaallannerit neriffiusut marluupput. Ullaap tungaani aammalu ullup qeqqa.

Ullaap tungaani anitsiarneq (unikaallanneq qorsuk)-mik taasarparput, tassani atuartut naatitanik taquaminnilluunniit anitsiarnermi aniinnginnerminni nerisinnaallutik.

Ullup qeqqanut unikaallanneq sivisunerulaartarpoq, tassani atuartut eqqissillutit taqussatik nerisinnaasarlunikkit.

Atuarfimmi nillataartitsiveqarpugut angisuunik marlunnik, taamaasillutik atuartut taqussatik nillataartumut inaaliffissaqartissinnaaniassammatikkit. Taamattaaq aamma kuuffeqarpugut imermik nutaamik tigusiffigeriaannakkamik. Taamaattumik kikkut tamarmik imerfimmik nassarnissaannik kajumissaarneqartarput.

Taquarineqartut peqqinnartuutittarnissaat naatsorsuutigaarput, taamaakkaluartorli aamma nalliuttoqartillugu assigisaaniluunniit kaaginik imaluunniit mamartutugassanik allanik nassartoqarsinnaanera ammaffigalutigu.

Denne hjemmeside anvender cookies til at sikre, at du får den bedste oplevelse på siden. Læs mere her

Ok