NIF-ip atuartuinut atuagaaraq
NIF-imiinneq nuannersuussaaq, taamaattumillu naleqartitagut pillugit tamarmik suleqataassapput
- Ataatsimoorneq
- Tatigeqatigiinneq
- Pissuserinneq
- Angusaqarluarusussuseq
Tamakkua naleqartitat atuarfimmi najortigiinnissamut ataatsimut maleruagassaqarnerini tunngavilersorneqartarput.
Taamaattumik atuartutut nalinginnaassaaq
- Atuarnerit paarigit, piffissaq eqqorlugu atuariartortartutit, ilinniakkerisartutit atuartitsinermilu aamma atuarfimmi sammisassanut eqqummaarissumik peqataasartutit
- Akisussaaffimmik takutitsisartutit atuaqatitillu, sulisut atuarfimmiittartullu allat ataqqigitit
- Oqaatsit tusarnersut atorusuttuugitit
- Atuarfimmi ataatsimoornermut peqataasutit
- Atuarfiup illutaanut, pisataanut, atuagaataanut il.il. akisussaaffimmik ataqqinninnermillu takutitsisutit peqqissaarlutillu pisaritit
Qulaani titarneeqqani allaqqasuni unammillernartitaqaruit, angajoqqaatit atuarfimmut ataatsimiigiaqquneqassapput, taava tassani aqqutissiuunneqassaatit.
Ullaakkut
Piffissaq eqqorlugu takkutigit. Isaannginnerani minutsit tallimat sioqqullugit maaniissaatit. Piffissaq kingulleq atorlugu inimut isernissaq nuannerneq ajorpoq.
Atuaqatinnut, ilinniartitsisunut angajoqqaanullu naapitannut oqarit, ”kumoorn” – inussiarnerneruvoq.
Mobilit
Atuarfik tamanut mobileqarfiunngilaq – angisuut mikisullu tamarmik. Taamaattumik mobilinnut, siutequtinnut aamma apple watch-innut sikaaveqarpugut, tassani ullaakkut paarnaarneqarlutik inissinneqartarput. Taamaasilluta atuarfiup siunertaa ataatsimuussutigissavarput – ataatsimoornermi ilinniarneq.
Pujortarfiunngilaq
NIF tupanik sunoorsinillu pujortarfiunanilu atuiffiunngilaq. Tamanna pissuteqarpoq, atuartunut tupanik assigisaannillu tuniniaasoqaqqusaanngimmat, aamma tupa/sunoorsi peqqissutsimut ajoqusiisarmat.
Anitsiarfimmi anitsiarfimmilu pinnguartarfimmi
Klassimiit klassimut maleruagassat assigiinneq ajorput, aamma nukarlerniit angajullernut. Maleruagassatit ilinnut atuaqatinnullu atuuttut ilisimanissai eqqaamajuk. Puiguisoqarsimappat ikioruk.
Atuarfiup eqqaani najugaqartunut ataqqinninnissaq soorunami takutinneqartarpoq.
Anitsiarfinni pisiarfiliartoqaqqusaananilu pisisoqaqqusaanngilaq.
Atuartitsinerni
Atuartitsineq aallartippat, piareersimallutit takutinnissaa pingaaruteqarpoq. Taamaasilluni ilinniartitsisuit ilikkariikkannik ilinniarteqqittariaqassanngilaatit.
Taqussat
Atuarfimmi taqussavit peqqinnartuunissai takorusunneruarput. Tassani pissutigineqarpoq, timi peqqinnartunik immerneqaruni, taava eqqarsarluarsinnaaneq anguneqartarpoq, taamaasillunilu ilinniarnissamut piareersimanerulertarluni.
Soorunami imerfiit imiinnarmik imaqassaaq.
Atuannginneq
Atuannginnermi angajoqqaatit ForældreIntrami attavigisassat ataani klasselærerineqartoq nalunaarfigineqassaaq.
Illit angajoqqaatillu ilinniakkerinissat isumagisussaavarsi, taakkua intrami allaqqasarput aamma iliniartitsut sapaatip akunneranut pilersaarusiai malittassavatit.
Atuannginnissamut akuerisaanermi, soorlu angalanermi il.il. angajoqqaavit atuannginnissannut akuerisaanissamut nalunaarummik nassiussissapput.
Ilinniagassat
Ilinniakkiissutigineqartut, ilinniartitsisorineqartumit klassimi atuartunut nalimmassarneqarnikuusarput, taava tamarmik piginnaasaannut naleqquttumik unammillerneqartarput.
Ilinniakkerineq atuarnermi ineriartorninnut ajunngitsumik sunniuteqarsinnaavoq, taassumalli saniatigut inuit akornanniissinnaaninnut piginnaasannik ineriartortitsisinnaalluni, soorlu: akisussaassuseq, pilersaarusiorneq, pitsaasumik ilusilersuisinnaaneq, nammineerluni ilinniarneq allarpassuillu.
Qaqutikkulluunniit angajoqqaavit ilinniakkerinissat akisussaaffigaat.
Atugarissaarneq
NIF-imi kikkut tamarmik pingaaruteqarput -Everybody matters.
Taamaattumik NIF-imi atuarninni aliasulissagaluaruit, qinngasaartissagaluaruit, immikkoortitaallutit pimmatigineqarlutilluunniit, taava klasselærinnut oqassaatit.
Ilinniartitsisuppit atuarfimmi atuartuunerit nuannersuutikkusullugu ikiortussaavaatit.
Klasselærip angajoqqaatit oqaloqatigisinnaavai, ataatsimullu ikiorumaarpaatsit. Atuarfimmi aamma atugarissaarnissamut sammisaqartartunik ilinniartitsisoqarpugut, taakkua artorsarfimmi oqaloqatikkuminartuupput. Aammattaaq atugarissaarnissamut sammisaqartartunik ilinniartitsisut klassimukarsinnaapput klassimilu atugarissaarnissaq anguniarlugu assigiinngitsunik sammisaqartitsillutik.
Neriuppunga NIF nuannernerpaamik atuarfigiumaarit :-)