Atuartut ilaasa ilinniakkerinissaq soqutigisarisarpaat, unamminartutut aammalu kajumissutsininnarisarlugu - atuartullu allat nuannarineq ajorpaat, ilikkagaqarnissamut ineriartornissamullu kajumissusaat pitsaanngitsumik sunnersinnaasarlugu.
Meeqqat ilinniarsinnaassusaat misissorneqarnikkut paasineqarsimavoq, angerlarsimaffimmi ilinniakkerisarneq qaqutigoortunngorsimasoq, angajoqqaat pimoorussisarnerat isumaqarnerpaatillugu meeqqap ilinniarsinnaaneranut. Tamakkuuppullu ilinniakkerisarnermut tunngaviusutut isumaliutigineqartut NIF-imi.
NIF-imi sumaqarpugut:
Pingaaruteqarpoq angajoqqaat qaqugukkulluunniit meeqqamisut avammut apeqqarissuunissaat.
Pingaaruteqarpoq angajoqqaat meeqqap ilikkariartorneranut pimoorusseqataassasut, ilikkagaqarnissaat pitsaanerpaamik anguniarlugu ilinniakkerineq tunngaviginngikkaluarlugu.
Ilinniagassat tunniunneqartartut ilinniartitsisumiit atuartumut tulluarsarlugit tunniunneqartarput, atuartup killiffianut tulluartumik unammillerneqarniassammat.
Pingaaruteqarpoq atuartumut erseqqissarnissaa sooq ilinniagassat taakku atuartumut tunniunneqarsimasut, meeqqap ilinniakkerinissani isumassaqartinneruniassammagu.
Ilinniagassat erseqqissaasuusussaapput atuarfimmi sammisatsinnut. Taamaalilluni atuarfimmi angerlarsimaffimmilu suliarineqartut ataqatigiissallutik.
Angerlarsimaffimmi ilinniakkerinikkut meeqqap ukkatarinnissinnaassusaa aallussisinnaassusaalu pitsanngorsarneqarsinnaasarpoq, meeqqamullu sammisanut aaliangersimasunut itisiliisinnaaneranut periarfissinneqartarluni.
Ilinniakkerineq atuartumut ajunngitsumik sunniuteqarsinnaasarpoq atuagarsornerup ineriartornerannut, ilaatigullu aamma inuttut piginnaaneqarnerannut pitsanngorsaataasinnaalluni soorlu: akisussaaffimmik ilisimaarinnilluarneq, pilersaarusiorneq, ilusilersuineq, nammineersinnaaneq il. il.
Ilinniartitsisup akisussaaffigaa aalajangiisussaallunilu suut ilinniagassat tunniunneqassanersut, qanoq annertutigissanersut imaluunniit pisariaqassanersoq ilinniagassiissanerlutik fagini assigiinngitsuni.
Ilinniagassat ilinniartitsisumiit sapinngisaq tamaat atorlugu akulikitsumik eqqaaneqartartussaapput, taamaalilluni ilinniagassaminni paatsuunganartoqarsimappat imaluunniit unammillernartoqarsimappat erseqqissarneqassapput.
Ilinniakkeriaatsit assigiinngitsunik tallimanik avinneqarput
- Pikkorissarneq (atuffarissarneq, kisitsineq, oqaaseqatigiilerineq, taanikkaarineq…)
- Piareersarneq (atuarneq, sammisamut paasissutissanik nassaartorneq, paasissutissanik ujaasineq…)
- Suliaqarneq (naatsukullamik allattariarsornermi naammassisaqarneq, saqqummiussassamik suliaqarneq…)
- Inaarsaaneq (ilinniagassanik naammassinngitsuukkanik inaarsaaneq)
- Ilinniagassat peqataanermut tunngasut (nalunaarusiorneq, projektilerineq, suliallu anginerit atuarnerup ingerlaneranut attuumassuteqartut)
Pingaaruteqarpoq ilinniakkereriaatsit assigiinngitsut atuartunut atuagarsornerup piginnaasaannut killiffiannullu tulluarsakkamik isumatusaarluni atorneqarnissaat.
Ilinniagassat tunniunneqartut annertussusaat ilinniartitsisup piginnaasaanut nalilersuutitut atorneqarsinnaanngilaq.
Ilinniakkerineq siunertarisussaavaa atuartut sammisat iluanni pissarsiaqarnerat annertusarnissaa aammalu meeqqap ilikkagaqarnissamut piumassusaa ikorfartornissaa.
Angajoqqaat ilinniagassanik ujartuinerat ilinniagassiinissamut peqqutaasussaanngilaq.
Ilinniagassat Intrami aammalu Teams-ikkut nanineqarsinnaapput.
Ilinniagassat suliarineqarnissaannut tamatigorluinnaq akisussaaffik angajoqqaaniippoq.