Atuarfimmi nalliuttorsiorneq siunertaalu
NIF-imi ukiut tamaasa ukiaanerani nalliuttorsiortarpugut, nalliuttorsiornerlu pingasunut agguataaqqasarpoq; nukarliit (1.-3.), akulliit (4.-7.) aamma angajulliit (8.-10.).
Nukarliit nalliuttorsioraangamik angajoqqaat ilanngullugit qaaqqusaasarput. Tassani angajoqqaat saaffigisassat ilinniartitsisut peqatigalugit sammineqartussat, pinnguaatit unammissutissallu pilersaarusiorlugit piareersartarpaat. Angerlarsimaffiit tamarmik nerisassanik nassartarput.
Akulliit nalliuttorsiornissaannut angajoqqaat aamma qaaqquneqartarput. Tassani angajoqqaat saaffigisassat ilinniartitsisut peqatigalugit sammineqartussat, pinnguaatit unammissutissallu pilersaarusiorlugit piareersartarpaat. Angerlarsimaffiit tamarmik nerisassanik nassartarput.
Angajulliit nalliuttorsiornissaannut angajoqqaat qaaqqusaaneq ajorput. Nalliuttorsiorneq 9. klassimi atuartunit ilinniartitsisuanillu pilersaarusiorneqartarpoq. Atuartut nereqatigiittarput, kingornalu sammisassaqarlunilu unammissutissaqarpoq assigisaannillu klassinit pingasunit ilinniartitsisuinillu pilersaarusiorneqarnikunik sammisassaqartarluni. Nalliuttorsiornermi aaliangersimasumik sammisaqartoqartarpoq, soorlu sapiitsuliortaartut, 1960-ikkut, uumasut… Tamanna sammisaq 9. klassimit aaliangerneqartarpoq.
Nalliuttorsiornerit pingasut siunertarivaat, atuartut klasseqatiginngisaminnik ataqateqalernissaat ataatsimoortutullu misigilernissaat aamma sinaakkutat toqqammavigalugit tamanut nuannersumik toqqissisimanartumillu misigisaqartinnissaat. Tassani neriuutaavoq, misigisaqaqatigiinnermi ulluinnarni ataatsimoornerup nuannersumik sunniuteqarnissaa.
Atuarfimmi nalliuttorsiornermi isertitarineqartut 9. klassimut paasisassarsioriarnissaannullu tutsinneqartarput.
Inersimasut tamarmik isernermi akiliisarput (2020-mi; billitsi ataaseq 30,- ). 9.klassi angajoqqaavilu nalliuttorsiornerni siullerni marlunni kaffinik kaaginillu akikitsunngunik tuniniaasarput.
Taassuma saniatigut 9. klassi nalliuttorsiornermi arlaatigut aningaasanik iluanaaruteqarniartarpoq.