Misilitsinnerit

NIF nuna tamakkerlugu atuaqatigiiaat tulleriissarnerini 3. klassit aamma 7. klassit misilitsinnerinut peqataasarpoq, kiisalu aamma meeqqat atuarfianni soraarummeernerni 10. klassinut misilitsinnerit peqataaffigisarlugit.

Misilitsinnerit taakku nuna tamakkerlugu atuartut piginnaasaat nalunaarsorneqarnerinut nalilersuutigineqartarput.

Misilitsinnerit pillugit atuarfiup isuma tassaavoq misilitsinnermi inernerit kisimik naliliissutigineqarsinnaannginneri, taamaattumillu atuartup piginnaasai pikkoriffiilu ilanngullugit oqaasertaliissutigineqartuaannartariaqarlutik – matumani misissueqqissaarsinnaanermut piginnaasaat, tunngavilersuisinnaanermut, oqalliseqataasinnaanermut, naliliisinnaanermut, oqaasertaliorsinnaanermut kiisalu aamma eqqarsaatersuuteqarsinnaanermut.

Taamattaaq sullarinnermut, piumassuseqarnermut kiisalu aamma suleqateqarsinnaanermut piginnaasat tamakkiisumik naliliissuteqarnermut ilanngutissallugit pingaaruteqarluinnarput.

Misilitsinnerit qulaani taakkartorneqartut saniatigut atuartut eqimattakkaanut tulluussakkanik misilitsitsittarpagut, kiisalu aamma atuartut ataasiakkaat. Taakkununnga danskit meeqqat atuarfiini misilitsissutigisartagaat atortarpagut.

Denne hjemmeside anvender cookies til at sikre, at du får den bedste oplevelse på siden. Læs mere her

Ok