Naatsorsuutigisat

Uagutsinnut pingaaruteqarluinnarpoq, kikkut tamat ulluinnarmik ilusilersueqataanissaat, taamaasillunit NIF-imiinneq nuannersuullunilu ilikkagaqarnassammat. Tamanna atuartitsinermi anitsiarnermilu pineqarpoq. Taamaattumik naatsorsuutigisarput tassaavoq, atuartut ataqqinnillutik kikkunnut tamanut ikiuussinnaanissaat kiisalu aamma ulloq atuarfiusoq atuarnermilu suliassarititaasut pimoorulluinnarneqarnissaat.

Uagutsinnut ilinnut atuartumut naatsorsuutiginarpoq:

atuarnerit paarissagit, piffissaq eqqorlugu takkuttassasutit, ilinniagassatit suliarisarlugillu atuartitsinermi aallussillutit peqataasassasutit kiisalu aamma atuarfimmi sammisassaqartitsinernut peqataasassasutit

atuaqatinnut, sulisunut aammalu atuarfimmiittunut allanut akisussaaffimmik ataqqinninnermillu takutitsissasutit

atuarfimmi ataatsimooqatigiinnermut peqataassasutit

atuarfiup illutaanut, atortorissaarutaanut, atuagaataanut il.il. akisussaaffimmik ataqqinninnermillu takutitsissasutit taakkuninngalu aamma sianigalugit paarseqataassasutit

Atuartoq naatsorsuussanut taakkununnga naapertuuttumik iliorsinnaanngikkuni peqqissaarnissamut inatsiserisatsinnik unioqqutitsinermi periuserput malittarparput

Angajoqqaat attavigineqartarput erseqqissaanissaq siunertarineqarluni

Piffissami aalajangersimasumi atuarfimmi sammisassaqartitsinernut atuartoq peqataatinneqassanngilaq

Atuartoq atuarfimmit anisinneqassaaq

Atuarfimmi suleriutsit allat assigalugit meeraq pillugu suleqatigiinneq salliutinneqartarpoq. Taamaattumik atuarfittut siammasissorujussuarmik ingerlatsisarpugut.