Nerisassioqatigiinnerit aammalu siunertaasoq

NIF-imi atuartut tamarmik nerisassioqatigiinnermi eqimattanut peqataaffeqarput, taakkulu eqimattat naliginnaasumik 4-5 meerartaqartarlutik. Naliginnaanerusumik qaammammut ataasiarlutik eqimattat naapittarput, nerisassioqatigiillutik nuannisaaqatigiillutillu. Atuarfik tamarmi ullumi aalajangersimasumi nerisassioqatigiinnermik aaqqissuisarpoq, tassanilu sunngiffimmi sammisaqarnerit taamaatiinnarneqarnissaat naatsorsuutigalutigu.

Nerisassioqatigiinnermi eqimattaasut atuartut akornanni naliginnaasumik naapiffiit allat atorlugit eqaannerusumik ingerlasoqartarpoq, taamaasillunilu inuit akornaniissinnaanermut ileqqorisassat ataqatigiinnerillu sungiusarnerinut nukittorsaaqataasarlutik, ilaatigut atuarfimmi atuartut ulluinnaanni nalaanneqartanngitsut. Taamatuttaaq nerisassioqatigiinnermi eqimattat atuaqatigiiaat iluanni naammagisimaarinninnermut pitsanngorsaaqataallutik klassimi ilinniartitsisumut sakkussaalluarput, taamaasilluni aamma aaqqiagiinnginnerit pinaveersaartinneqarsinnaallutik, aammattaaq qinngasaarinerit pimmatiginninnerillu. Nerisassioqatigiinnermi eqimattat NIF-imi atuartuunermut ilaapput, taakkulumi aamma pingaaruteqartutut isigaagut. Meeqqat angajoqqaallu imminnut ilisimaarilernerat pitsanngorsarneqartarpoq, taakkualu aamma qanoq assigiinngitsutigut inooriaaseqarnermut siumut pitsaanngitsumik nalileereersimanermut illuatungiliisuulluarsinnaallutik. Nerisassiornermi eqimattakkaaraluni aaqqissuussinerit paarlakaajaattumik ingerlanneqartarput atuartullu tamarmik angerlarsimaffimminnut ”qaaqqusisuusarlutik” atuareernerup/NUAN kingorna. Ileqquuvoq naliginnaasoq angajoqqaat nerisassioqatigiinnermi eqimattat naammassinerini meeqqatik aagaangamikkit kaffisoqatigeeqqaalaarnissamut piffissaqalaartarsinnaanerat.

Ukiumut marloria nerisassioqatigiinnermi eqimattanik pilersitsoqartarpoq – aggustusimi aammalu februaarimi. Nerisassioqatigiinnermi eqimattanut pilersaarutit ulluliussallu Intra-mi allagarsiivikkut atuarneqarsinnaapput.

Denne hjemmeside anvender cookies til at sikre, at du får den bedste oplevelse på siden. Læs mere her

Ok