Paasisassarsiorlu angalaneq
NIF-imi atuarnermi 9. klassinngoraanni paasisassarsiorluni angalasoqartarpoq.
Paasisassarsiorluni angalanerup siunertaa:
atuartut nutaanik, allanartunik imaluunniit piorsarsimassutsinik allaanerusunik nammineq timi atorlugu misigisaqartinnissaat taakkualu sunik imaqarneri namminneq paasisimasaqarfigilernissaat anguniarlugu
atuartut allat peqatigalugu oqaatsit allat atorlugit attaveqaqatigiitsinnissaat, meeqqat, inuusuttut imaluunniit inersimasut nammineq oqaatsimik tunuliaqutaanit allaanerusumik atugaqartut peqatigalugit.
piorsarsimassutsip aammalu inooriaatsip allap misigitinnissaa
angalanerup pilersaarusiorneqarnissaa naammassineqarnissaalu, matumani atuartut sukumiisumik nunami imaluunniit nunap ilaani piorsarsimassutsip, politikkimi aqutseriaatsip kiisalu aamma upperisap oqaluttuarisaaneranut tunngasunik paasisaqarluarnissaat
angalaqatigiinneq, atuartut ataatsimik (arlalinnilluunniit) toqqammaviusumik piorsarsimassutsinik allanik kalaallinit danskinillu allaanernik naapitsinissaat
atuartut pilersaarusiorsinnaanissamut, naammassinnissinnaanermut kiisalu aamma paasisassarsiorluni angalanermut nalilersuisinnaanermut periarfissinneqarnissaat
Piareersaatit
Atuartut angajoqqaatik suleqatigalugit aningaasanik katersissapput. Taanna katersiniarneq kingusinnerpaamik 7. klasse tikitsinnagu aallartisareerneqartariaqarpoq.
Atuaqatigiiaanut apeqqutaavoq, periutsit suut atorlugit katersiniartoqassanersoq. Atuarfimmi unnussiuaaqatigiinnermit sinneqartoorutit 9. klassenut tunniunneqartarput.
Kommunimiit tapiissutinik tunniussaqartarpoq.
Taamattaaq atuarfik tapiissutinik siulersuisunit annertussuseq aalajangiussaq atorlugu tunniussaqartarpoq. Taassuma saniatigut nammineq akiliinerit pisinnaasarput.
Pingaarnertut paasisassarsiornermi sulianut atatillugu periarfissat sammineqartarput. Tulliatut paasisassarsiornermi angalanermi sumunngarfissaq umerneqartarpoq.
Naliliinerit saqqummiinerillu angajoqqaanut ingerlanneqartarput.
Nukarlernut unnussiuaaqatigiinnermi angajoqqaat ilanngullugit qaaqquneqartarput. Unnussiuaaqatigiinnermi qulequtassamik aammalu assigiinngitsunik pinnguaatinik unammisaqattaartitsinissanillu piareersaatit angajoqqaanit attaveqarfigisinnaasanit pilersaarusiorneqartarput. Kikkut tamarmik nereqatigiinnissamut nerisassanik nassassapput.
Akullernut unnussiuaartitsinermi taamattaaq angajoqqaat ilanngullugit qaaqquneqartarput. Angajoqqaani attaveqarfigisinnaasat ilinniartitsisullu pinnguaatinik unammisaqattaartitsinernillu pilersaarusiortarput. Kikkut tamat nereqatigiinnissamut nerisassanik nassataqassapput.
Angajullernut unnussiuaartitsinermi angajoqqaat ilanngullugit qaaqquneqarneq AJORPUT. Unnussiuaaqatigiinnissaq 9. klassinit atuaqatigiiaannilu ilinniartitsisumit pilersaarusiorneqartarpoq. Atuartut nereqatigiittarput, taassumalu kingorna pinnguaatit, unammisaqattaarutik assigisaalu atorlugit peqatigiinnerit ingerlanneqartarput taakkualu klassinit tamanit pingasuusunit ilinniartitsisuniillu pilersaarusiorneqarsimasarlutik. Unnussiuaaqatigiinnermut qulequtsiunneqarsinnaasut tassaapput, sapiitsuliortut, 1960-ikkornisatut atisalersorneq, uumasut…. Qulequtarisassaq 9.klassinit aalajangerneqartarpoq.
Unnussiuaartitsinermi taakkunani pingasuni ukiukkaarnerit illugiillugit peqatigiissinnaanerup ataatsimuussutsillu pilersinnissaa siunertarineqarpoq, kiisalu aamma sinaakkutit kikkut tamarmik nuannaarfigisinnaallugillu toqqissisimaffigisinnaasaasa iluanni nuannersunik misigisassaqartitsinissaq siunertarineqarluni.
Atuarfimmi unnussiuaartitsinermit isertitat tamarmik 9. klassinut taakkualu paasisassarsiorlutik angalanissaannut tuttarput.
Inersimasunut tamanut isilernermi billeti akeqartinneqartarpoq (2020-imi billet ataaseq 30,-). 9. klassit taakkulu angajoqqaavi unnussiuaannerni siullerni marlunni kaffimik kaaginillu akikitsunngorlugit tuniniaasarput.
Taassuma saniatigut 9. klassit namminneq aalajangikkaminnik unnussiuaarnerni taakkunani marlunni aningaasarsiutigerusutaminnik toqqaasinnaapput.
