Nuan-imut tikilluarit

Atuartunik soraarnerisigut sammisassaqartitsisarfik Nuan NIF-imut ilaavoq, taamaattumillu naleqquttumik tungaveqarluni matumani allaaserineqarpoq. Nuan-ip atuarfiup nalingititaanik – ataqatigiineq, tatigeqatigiinneq, piorsarsimassuseq aamma angusaqarluarusussusermut tunngasunik perorsaanermut tunngavilimmik suleriuseqarpoq. Atuarfik aamma Nuan ataatsimoortumik tunngaveqarput, matumanili assigiingitsunik suleriuseqarlutik. Nuan-ip perorsaanikkut tunngavia Nuan-ip aqutsisuanik sulisunillu suliarineqartarpoq.                                                     

Nuan nukarliit qanimut suleqatigalugit ingerlavoq, meeraatigineqartummi nukarlerni atuareeraangamik klassiat aamma Nuan-imit atorneqartarpoq. Suleqatigiinnerup siunertaraa, meeqqat ulluinnaat tamakkiisumik atorluarneqassasoq, aamma atuarfiup Nuan-illu pingaartitatut tapiutaanni meeqqap ilippanartuinik nittarsaassinissamut.   

Nuan-imi meeqqat assigiinngitsutigut atuarfimmi atuartitsinermi iliuuserineqarsinnaanngitsuni aalatinnissaannut periarfissaqarpugut. Nuan-imi meeqqat imminnut ilikkarnerminni kinaassusaasa inuillu akornanni piginnaasaasa ineriartornissaannut pinnguarneq najortigiinnerlu sinaakkutarineqarput.

Pisussaaffittut ataatsimoorneq.

Nuan pisussaaffittut ataatsimoorneruvoq, tamannalu ima oqaatigineqartarpoq ”ataatsimut sinaakkutaq malillugu allallu pissusilersornerit, aamma aalaassaasumik sinaakkutap tamanut atuutsinnera eqqumaffigalugu”.

Isumaqarpugut meeqqat ataatsimoornerup ilikkarnissaat pingaaruteqartoq, aamma tamat oqartussaatillugit ulluinnaqarnissaq meeqqat piginnaasaasa ineriartortinnissaannut suliaqartut/tugut.

Pingaartinneqarpoq, meeqqat assigiinngitsuni ataatsimoorfinni, assersuutigalugu klassimi ataatsimoornerit, klasseqatiginngisat ukioqatiginngisallu ataatsimooqatigalugit aamma klassit minnerit annerillu ikinngutigiit peqataaffiginissaannut periarfissaqarnissaq.

Nuan-imi sammisassat.

Nuan-imi sammisassat marlunngorlugit immikkoortittarpagut: sammineqartussat sammineqarsinnaasullu.

Pisussaaffilimmik ataatsimoornermut ilaaneq ilaatigut isumaqarpoq, Nuan-ip meerartaasa pisariaqartitatik ilaatigut ingerlaannaq pisinnaanngikkaat, aamma meeqqat ataasiakkaat ataatsimoornissamut imminnullu akisussaaqatigiinnissaminnut eqqumaffiginnissinnaalernissaannut iluaqutaassaaq. Ataatsimoornermi sammineqartussat sammineqarsinnaasullu piviusunngortinneqartarput. Ilaatigut sammisaqarnermi peqataanissaq pisariaqartarpoq, assersuutigalugu aneerrannermi. Piffissarlu alla kissaatigisaq soqutigisarlu malillugit nammineq sammisassanik toqqaasoqarsinnaavoq, s.i. nipilersorneq imaluunniit liftimukarneq.                                                                                                                                                                     

Isumaqarpugut meeqqat toqqakkaminnik attassiinnartassasut, nammineq iliuutsit akisussaaffigineri pingaartikkatsigu. Taamaasiornikkut meeqqat peqataanissaannut piumasaqaatigineqartut atornerisigut inuunerminni inuiaqatigiinnit piumasarineqartartunut piareersarneqassallutik.                                                                                                                                                      

Pinnguarneq killilersugaanngitsoq.

Sammineqartussat pilersaarusioriikkat saniatigut meeqqat namminneq suliaqarnissaat, sammisaqarnissaa pinnguarnissaallu pisariaqarpoq. Taamaattumik pingaartillugu meeqqat killilersugaanngitsumik pinnguarsinnaanissaat inissaqartittarparput, tamannalu Nuan-imi sammisassatut naleqartillutigu, pinnguarnermi ulluinnarmi ulapaarluni sammisassaqarfinnik ulikkaartoq anersaartorfissalertarpaa.                                                                    

Pinnguarneq meeqqat misigisaannut, misileraaffiinut, nutaaliorsinnaaneranut fantasiianullu suliaqarnerminni sinaakkusiisarpoq. Aammattaaq pinnguarneq ikinngutitaartornissamut pingaaruteqarpoq.                                                          

Killilersugaanngitsumik pinnguarneq meeqqat ataasiakkaat pisariaqartitaannut ineriartorneranullu taarsiutissaanngilaq. Taamaattumik meeqqat suliassanik allanik aamma sammisassanik unamminarsinnaasunik misiliitinneqartassapput. Sammisassanut aaliangersimasunut peqataaqqusaanermi tamakkua unamminarsinnaasut aqqusaarneqartassapput, tassanilu sulisut nutaamik ineriartortitseqqiinissamut sinaakkusersuisuussallutik.                                                                                                                                                                      

Matumani illumit anilluni ulloqarneq imaluunniit klassinut attuumassuteqartumik sammisaqarnermi anguneqarsinnaapput.

Susassaaleqineq

Susassaaleqineq ilaatigut meeqqat misigisassaani ajunnginnerpaavoq. Tamanna meqqaap eqqarsartariaatsimigut peqqissusaanut, nutaaliorsinnaaneranut namminersorsinnaaneranullu unammilliisarpoq. 

Susassaaleqineq ilaatigut ”iliuuseqanngikkaluarluni pissanganartumik soqutigisaqarnermut” tunngasoq oqaatigineqarsinnaavoq. Arlaannik pisoqartikkusukkaluarlugu susoqanngitsoq.

Sammisassat amingartillugit avatangiisitsinniillu sunnertinnerit annikitsillugit susassaaleqisarpugut. Sunaluunniit uatsinnut pilerinarunnaartarpoq – tamannalu uatsinnut eqqissiviilliortitsillunilu ingerlataqarani ingerlaarusaarnarsinartarluni.

Amerlanertigut susassaaleqineq ajortumik isigineqartarpoq (s.i. meeqqat atuarfimmi susassaaleqisut) – aamma taamaalluarsinnaavoq. Iliuuseqarfiginngikkaanni…

Ilaatigulli susassaaleqineq meeqqamut iluaqutitsialaavoq. Tamanna eqqissisimaarnissamut eqqarsaatinillu ingerlaterujoornissaannut periarfissiisarmat.

’Ingerlatarani ingerlaarusaarnerup’ nutaaliorsinnaaneq nalittorsartarpaa. Suliaqanngikkaangatta assigiinngitsunik isaatitsinissatsinnut ajornannginnerulertarpoq, qarasattalu nutaanik isumassarsinissaanut eqqarsaateqalernissaanullu ajornannginnerulertarpoq. Itisuunik eqqarsarutta, nutaanik aaqqiissutissanik akissutissanillu nassaarnissarput annertunerulertarpoq.

Meeqqat susassaaleqigaangamik namminneq suliassarsiulertarput. Tamassumalu nammineersinnaanerat ineriartortittarpaa. Nammineerlutik eqqarsarlutik, isumassarsiorlutik, pinnguassarsiorlutik sulererusunnerlutillu eqqarsaatigisariaqarpaat.

Allanit ikiorneqannginnerminni meeqqat namminneq akisussaaffeqarnertik pillugu misigisaqalertarput, tamannalu pisumi nalitoorujuttut isigineqartarpoq, aamma inuunerup sinnerani atorluarneqarsinnaammat.

Meeqqat susassaaleqigunik amerlasuutigut iluaqutaassaaq.

Nuan-imi akerleriinnernik aqutsineq.

Inuit amerlasuut ataatsimooraangamik, isumaqatigiinnginnerit akerleriinnerillu pilersinnaasarput. Nuan-imi meeqqat akerleriikkaangasa tapersersornissaat pingaartittarparput, aamma aaqqiinissaminnut sakkussaannik ikiorsertarpagut.                                                                                                                                             

Akerleriinnermi aqutsinermi pisumi ajunngitsut eqqumaffigalugit iliuuseqarfigisarpagut.                                                                                                                                                                             

Taamaattumik pisuutitsineq akerleriinnermilu akisussaaffiliineq atunngilarput, akerleriinnermili akuusut tamakkerlugit ilaatittarpagut, taamaattumillu iluarsiinissamut ataatsimut suleqatigiinnissaq ingerlattarlugu.             

Nuan-imi meeqqat ilaatinneqarlutik sunniisinnaanissaat sulissutigisarparput, Nuan-imit suut kissaatigineraat oqaatigissagaat aamma sulisunit immikkut meeqqat eqimattanni kissaatigineqartut eqqumaffigalugit suliarineqarnissaat eqqumaffigisarlugit. Perorsaasutut sulisut meeqqat kissaatigisaat misigeriikkatullu pisariaqartinneqartut nalimmarsartuarnissaat eqqumaffigisarpaat, tassani meeqqat ataasiakkaat kinaassusaat inuillu akornanni piginnaasaat eequmaffigineqartarmata.

Meeraq ingerlalluartoq.

Meeraq ingerlalluassaguni, tava inuttut inuiaqatigiinnilu ingerlalluarnissaa pisariaqarpoq. Piffinni tamani meeraq ngerlalluarpat, taava meeqqap ineriartornera ajunngitsutut isigisarparput. Ingerlalluarneq meeqqap namminersorneranik ajunngitsumik ineriartortitsinissamut tunngaviusarpoq.                                                                                                                                          

Nammineersinnaaneq namminersortumillu aaliangiisinnaaneq meeqqap inuuneranut atajuartussamik inuiaqatigiinni piginnaasani pingaarnersaavoq. Ikkatiginninneq pillugu suliniuteqartuullutalu akiuisuuvugut. Taamaasilluta meeqqat ingerlalluarnissaat ineriartornissaallu pingaartipparput, aamma ikinngutigiilluarnissaat. 

Imminut ikiorsinnaaneq.

Meeqqat ulluinnarni namminersorlutik iliuuseqarsinnaassagunik, Nuan-imi ulluinnarni piginnaasanik taasagarput piginnaasariaqarpaat. Meeqqat ilaatigut silap issusaa peqqutaatillugu namminneq oqorsarsinnaanertik, perusuersartarfiliarnissartik, nalunaaquttamik ilisimasaqarnissartik, torersaasinnaanissartik tamakkualu pingaaruteqarnerat nalilersorsinnaassavaat.                                                                                                                                                                                 

Tamanna meeqqat ulluinnarni iliuusissaminnut unittuussutiginninnginnissaannut peqqutaaqataasarpoq.                                                                                                                                                         

Ulluinnarni piginnaasanik suliaqarneq Nuan-ip sulisui, meeqqat aamma angajoqqaavi suleqatigalugit anguneqartarpoq.

Meeqqat Nuan-imiittartut angajoqqaavisa tapersersuinerisigut perorsaariaatsimullu tunngavigineqartut pingaartitanik akisussaaqataanissaat naatsorsuutigaarput. Taamaasilluni angerlarsimaffik Nuan-illu suleqatigiinnerat anguneqartarpoq.

Paasissutissat naleqquttut.

Nuan-imi nakkutilliinissamut piumasaqaateqarpoq. Tamanna ilaatigut isumaqarpoq, meeqqat piumasaminnik ingerlaannarsinnaanngitsut, takkunnissaanulli paaqqinnittarfimmiillu ingerlanissaasa tungaannut nakkutilliisoqartussaavoq.                                                                    

Ullualuit pillugit kalerriuteqarniaraanni, ForældreIntra-kkut nal. 10.00 sioqqullugu, Nuan-ip ullorsiutani allannikkut, nalunaarutigineqarsinnaapput.

Meeqqat ullut tamaasa atuareernermi kingorna soraaraangamik isernerminni nalunaarsorneqartarput. Tamanna atuarnerup minutsinik qulinik sioqqullugu naammassinnginnerani ilinniartitsisut Nuan’imut tunniussuineranni pisarpoq. Taamaasilluni atuarnermiit Nuan-imukarneq eqqissisimasumik pisarpoq.

Meeqqat aneeqarnerminni angerlalernerminniluunniit anillutik nalunaarnissaat pingaaruteqarpoq, taamaasilluta meeqqat aaliangersimasut Nuan-imiikkunnaarsimasut ilisimassavarput. Tamanna periuseq sulisunut matusinermi pisariaqanngitsumik ernumanissamut piffissaajarnissaannullu avaqqusiisarpoq.                                                                                                                                                     

Meeqqanut nalunaarsorsimanngitsunut angajoqqaajusut, matusinermi tamarmik aaneqareersimallutik angerlarluarsimanersut isumannaarniarlugu, oqaarasuaatikkut attavigineqartarput.                                                                                                                               

Nalunaarsuiffiit aamma ikuallattoornermi il.il. atorneqartarput. Tamanna meeqqat tamarmik isumannaatsumik illumiit anisimanersut isumannaarniarlugu. Taamaattumik nalunaarsuinissap malinnissaa annertuumik pingaaruteqarpoq                                                                                                                                                                                   

Meeqqat atualinnginnerminni Nuan-imukartartut nalunaarsorneq ajorput. 

Nuan illorsuuvoq, meeqqanik illumi quleriinni imminnut orneqattaaffigisinnaasaat. Isaarissat tummeraqarfiillu kisimik sumiiffigineqaqqusaanngillat, taakkunani meeqqat naammaginartumik nakkutigineqarsinnaanngimmata.

Nuan-imi meeqqanik aallerneq pisarpoq, meeqqat ingerlannginnerminni nalunaarsoqqaartussaammata,

Meeqqat namminneq ”angerlarnissaminnut” isumaqatigiissutitik eqqaamasassavaat, ullulli ingerlanerani inersimasunit nalunaquutaq pillugu eqqaasinneqartarput, aamma inini piffinni assigiinngitsuni nalunaaquttanik nivinngarsuisoqarnikuuvoq.

Meeqqap nammineq nalunaaqutaq ilisimanngippagu imaluunniit isumaqatigiissutini eqqaamanngippagu, aaneqartariaqassaaq. Tamanna angajoqqaat namminneq nalilissavaat.

Meeraq angajoqqaaminit aaneqaruni, taava piffissaq aallerfissaq oqaatigineqassanngilaq. Tamanna meeqqap ulloq naallugu amerlanertigut pingaartut eqqarsaatigilertarpaa. Pisariaqanngitsumik stressertitsilersinnaavoq.

Qaqutigoorluinnarpoq, meeqqamik ujagaqartugut, atisaajartarfimmukartitsisugut imaluunniit biilit unittarfianukartitsisugut.  

Nuan atuarfiusuni nal. 7.30-miit 8.15 tungaanut ammasarpoq, aamma nal. 12.20-miit . tikillugu ammaqqittarluni.                                                               

Atuanngiffiusuni, soorlu nalliuttorsiorfiunngitsuni imaluunniit Nuan-ip matoqqaffiini, matut nal. 7.30 – 17.00 akornanni ammasarput.                        

Angajoqqaat tamarmik ForældreIntra-mi malinnaanissaat kajumissaatigaarput. Taamaasilluni sammineqartut pillugit nalunaarutigineqartut tamanit ilisimaneqarnissaat isumannaarneqassaaq.

Nuan-imut tikilluaqqigitsi.