NIF-imi naleqartitat
NIF-imi naleqartitat suut ingerlatissanerlutigit qimerluulaartuartarparput, taakkuummata avammut atuarfimmik nittarsaassinermi ersarissaasussat.
Naleqartitagut ulluinnarni sulinitsinni tunngavilersuutitut atortarpagut. Matumani atuartunut, angajoqqaanut, atuartitsinermi, sap. ak. – ulluni sammisaqartitsinerni imaluunniit atuarfiup angerlarsimaffiullu akornginni attaveqaqatigiinnermi tunngavilersuutigineqartarlutik.
Naleqartitagut alanngittaatitut atortarpagut, taakkuuppulu atuarfiup atuuffiinut oqquisitsisuusut.
Matumani naleqartitaasut atuarfimmi sulisut atuarfiullu siulersuisuisa suleqatigiinneranni aalajangersarneqarsimapput.
Ataatsimuussuseq. Atuartut, sulisut aammalu angajoqqaat akornanni ataatsimuussuseq nukittooq aaqqiissutissat pitsannguutaanissaannut piujuaannartitsisinnaanermullu pitsanngorsaaqataanissamut ikorfartoqatigiinnerup naapeqatigiiffeqarsinnaanerullu pingaassusaanik paasiuminartitsinerulersarpoq.
Tatigeqatigiinneq. Sakkuuvoq ataatsimuussutsit kattussinnaalersinnissaannut. Peqatigiinneq suleqatigiinnerlu tamatta immitsinnut ajunngitsumik pinissamik kissaateqatigiiffigigutta immitsinnullu inissaqartissinnaallutalu aatsaat iluatsissinnaapput. Tatigeqatigiinneq atuartunut, sulisutnut aammalu angajoqqaanut naleqartinneqarpoq
Ilinniagaqarsimaneq. Ataatsimuussutsimut ilaalluni immitsinnut eqqarsaatiginissamik inuiaqatigiillu eqqarsaatiginissaannik pisussaaffeqarpugut. Suliassarisatta siutsinniittut kivinnissaannut pisussaaffeqarpugut. Ilinniarsimasuuneq aqqutigalugu atuartut inuiaqatigiinnik paasinninnissaannik aqqutissiuivugut, oqaluttuarisaanikkut kiisalu aamma ullumikkumut atukkat killiffiusut tarrarsoqatigiisissinnaanerat eqqarsaatigalugu. Taamaasilluni atuartut isornartorsiuisinnaanerat kinguneqarluartussamillu eqqarsarsinnaanerat annertusineqassammat.
Anguniagaqassuseq. Pimoorussinissamut pikkorissarnissamullu piumassuseq pilerinarsilersarpoq. Soqutigisat pikkorilluinnarfigisallu aallunnerisigut atuartut ingerlatsiinnarnissaq kiisalu aamma sammisap angusaqarluarfiginerani nuannaaruteqarsaqarneq atuartut ilikkalersarpaat. Tassani pineqarput ilisimatusarnikkut piumassusiugaluarpata, timersorneruppat, nipilersorneruppat allaagaluarpataluunniit.
