Peqatigiinnermut politikki
NIF-imi pimmatiginninnerit imaluunniit annersaanerit aammalu siorasaarerpalaartumik pissuseqarnerit akuersaanngilluinnarpagut.
Meeqqat tamarmik assigiinngiffeqarput, aammalu kikkut tamarmik kammaginerpaaneqarsinnaanatik. Naak kammagiinnerpaagaluarluni aporaattoqarsinnaavoq aaqqiagiinnerillu pilersinnaasarlutik.
Pisuni taakkunani imminut ataqqeqatigiinnissaq kiisalu aamma peqatigiilluni aaqqiagiinngissutsip aaqqiifiginiarnissaa pingaaruteqarpoq.
NIF-imi imminut aallaavigiuarnissaq pingaartitaraarput, tassungalu atatillugu meeqqat illuatungeriit tamarmik inissaqartinnissaat pillugu oqaloqatigisarlutigit.
Atuarfimmiitilluta immitsinnut torersumik oqaluuttarpugut immitsinnullu paaraluta – atuartitsinerup iluani aammalu anitsiarnerni.
Atuartut tamarmik, angajoqqaat aammalu ilinniartitsisut ataatsimut aaqqiagiinngissutit annertusigaluttuinnannginnissaannut pisoqarsimatillugulu sukkanerpaamik aaqqiiniarnissaminnut akisussaaffeqarput.
Aaqqiagiinngissutit amerlanerpaartaat qujanartumik atuarfimmi sulisunit meeqqat suleqatigalugit aaqqinneqartarput. NIF-imi ilinniartitsisut pisumi illuatungeriit peqataasimasut tamaasa oqaloqatigisarpaat, soorunalumi aamma meeqqat pisumik ilisimannissinnaasut aamma. Pisoqarsimatillugu pisoq nalilersorneqartarpoq, matumani angajoqqaat ilanngunneqarnissaat pisariaqarnersoq eqqarsaatigalugu.
NIF-imi atuaqatigiiaani immikkut tamani angajoqqaajusut qanimut suleqatigilluarnissaat pingaartitaraarput. Tamannalu ukiumoortumik aaqqissuussat klassinilu ataatsimeeqatigiinnerit atorlugit attanniarneqartarluni. Aaqqiagiinngittoqarsimatillugu angajoqqaat piumassuseqarlutik meeqqatik eqqartueqatigisarnissaat NIF-imit pingaartinneqarpoq.
NIF peqqissaarnermut- aamma peqatigiinnermut atatillugu maleruagassaqaraluartoq atuaqatigiiaani tamani angajoqqaajusunut pimmatiginninnerup ingalassimatinnissaanut pitsaasumiillu akaareqatigiinnissamut atatillugu klassimi suut maleruagassaassanersut ataatsimut eqqartueqatigiiffiginissaat kajumissaataavoq.
Inatsisit namminerisamik atuutilersinneqarsimasut maleruassallugit ajornannginnerusarput. Oqalliseqatigiinnerlu angajoqqaanut atuartunullu suup iluatsissimaneranik iluatsinngitsoorsimaneranillu ilisimannilersitsisarpoq. Malittarisassat ukiumoortumik angajoqqaanut ataatsimiisitsinermi oqallisigineqarnissaat innersuussutigineqarpoq, taassumallu kinguneratigut atuaqatigiit iluanni.
Ataavartumik peqatigiinnissamut malittarisassanik maleruaannginneq kinguneqartitsilersarpoq.
