Ulluinnarni atuarfiup angerlarsimaffiullu attaveqaqatigiinnerat

Atuarfiup iluani attaveqaqatigiinnermut Skoleintra qitiuvoq kateriffiusoq, kiisalu aamma atuarfiup angerlarsimaffiullu akornanni taamattaaq atortutut qitiutinneqarluni. Tassani angajoqqaat assersuutigalugu atuannginnerit pillugit allagaqarsinnaapput, kigutileriffiliarnerit assigisaalu pillugittaaq. Taamattaaq ilinniartitsisut taanna aqqutigalugu angajoqqaat pissarsiarisinnaavaat.

Peqatigiinnit tamanit skoleintrap ullormut alakkarneqartarnissaa naatsorsuussaavoq.

Sap.ak. pilersaarutit:

Kingusinnerpaamik tallimanngorneq nal. 16.00 sap. ak. aggersumi pilersaarutit saqqummiunneqartarput. Sap. ak. pilersaarusiani naatsumik sammisat sorliit ingerlanneqarnissaat kiisalu aamma atortut sorliit atorneqarnissaat allaaserineqartarput.

Sap. ak. pilersaarusiami annikitsualuit ilanngullugit allaaserineqarnissaat naatsorsuutigineqanngilaq.

Ilinniagassanut allattorsimaffik

Ullormut ilinniagassaq Intra-mi ilinniagassanut allattorsimaffimmut ilineqartarput (aammattaaq taaneqartartoq ullorsiut)

Attaveqarfissat allattorsimaffiat

Napparsimanermi nalunaarut, nakorsiarnermi, kigutileriffiliarnermi, ….

Skoleintra ileqquusumik attaveqarfissat allattorsimaffianut taarsiutaavoq. Allagarsiissutit annikitsut atuarfiup angerlarsimaffiullu akornanni pisut attaveqarfissanut allattorsimaffiata atuuffia atorlugu ingerlanneqartarput.

Ukiumut pilersaarutit

Septemberip aallartinnerani fagini tamani ukiumut pilersaarut pissarsiarineqarsinnaalertarpoq. Ukiumut pilersaarummi ukiup ingerlanerani sammisat/atuartitsinerit ingerlarngi sorliit naammassineqassanersut takuneqarsinnaavoq. Ukiumut pilersaarummi Inerisaaviup atuartitsinermi anguniagai aallaavigineqartarput. Taassuma saniatigut danskit Ataatsimut Anguniagaat pisariaqartitaq naapertorlugu ilanngunneqarsinnaapput.

Inuttut Ineriartornermut atatillugu fagimi ukiumut pilersaarusiornissaq piumasaqaataanngilaq.