Fagini nutaaliorsinnaaneq

NIF-imi ulluinnatsinni nutaaliorsinnaaneq pingaartilluinnagaraarput.

Atuaqatigiiaani tulleriissaarinermi trin-ini tamani 1.- 10- klassini nipilersorneq aammalu assilialiornermi eqqumiitsuliorneq pigaagut, matumani nipilersorneq – aammalu assilialiorsinnaanermi oqaatsit atuartut ineriartorneranni pigisinnaatikkumallugit.

Silamiinneq, isiginnaartitsineq aalanerlu 1.- 6. klassinut pigivagut, matumani timi atorlugu ersersitsisinnaaneq ikorfartorniarlugu.

Ukiup ingerlanerani atuaqatigiiaat saqqummersitsinernik sammisaqartitsinernillu isumaginnittarput, taakkunani nipilersorneq, assilialiornermi eqqumiitsuliorneq kiisalu aamma timi atorlugu ersersitsisinnaaneq saqqummiunneqartarlutik nittarsaanneqartarlutillu. Tamanna ilaatigut upernaakkut tusarnaartitsinermi saqqummiinermilu pisarpoq, kiisalu aamma ukiumut isiginnaartitsisarneq 4. klassini pisartoq, akunnattuni angajullernilu ilalerneqarluni juullimut naggataarnermi Annaasisitta oqaluffiani ingerlanneqartarluni.

Ulluinnarni atuartitsinitsinni nutaaliorsinnaaneq sapinngisaq tamaat siammasissumik piviusunngorsarniartarparput, aammattaaq sap. ak. ullunilu sammisassaqartitsinerni. Tamanna ilaatigut pisarpoq sanalunnikkut suliaqarnermi, qarasaasialerinermi suliniutinillu suliaqartitsinermi.

NUAN ulluinnarni illup iluani suliniutit assigiinngitsut atorlugit nutaaliorsinnaanermut tapertaaqataasarpoq, taakkulu ilaatigut tassaasarput nammineq sanaanik isiginnaagassiami atisassaniit silami illuikkiornissamut sakkussaniit kalaallisut sanalukkanik sananermut.