Friskolemut tikilluarit

Nuuk Internationale Friskole atuarfiuvoq namminersortoq nunat tamalaat akornannik aallussisuusoq. Ulluinnaat ingerlatsiffigisagut atuartut namminersortuusut suliumatuullu nunat tamalaat akornanni ilinniaqqinnissaminnik- imaluunniit atorfeqarnissaminnik periarfissaqarsinnaanerannik anguniakkamik pimoorussinertut aallutarinniffiupput.

Atuarfittut namminersortutut danskit atuarfinni namminersortuni ingerlatseriaatsimi-ileqquusoq malillugu toqqammaviit kiffaanngissuseqarfiit tallimaasut aalajangersarsimavagut:

- Isumassarsisinnaanermut tunngatillugu kiffaanngissuseq

- Perorsaanermut tunngatillugu kiffaanngissuseq

- Aningaasaqarnermut kiffaanngissuseq

- Atorfinitsitsinermut tunngatillugu kiffaanngissuseq

- Atuartunut tunngatillugu kiffaanngissuseq

Ilanngullugu atuarfiup ”Tunngaviusumik atuarfiit namminersortitat angerlarsimaffimmilu atuartitaaneq il.il. pillugit Inatsisartut inatsisaat nr. 10, 15. april 2003-meersoq” malippaa.

Perorsaanermut tunngatillugu kiffaanngissuserput tunaartaralugu oqaatsit pinngorartitsisinnaaneq aammalu takorluuisinnaaneq ulluinnarni sulinitsinnut tulluussartarpagut. Taassuma saniatigut ilinniartitsineq atuartup naliginnaasumik ilinniarsimassusissaanut tapertaalluinnassaaq.

Aningaasaqarnikkut kiffaanngissuserisaq sammisat pisariaqarsorinerpaasagut pingaartinneqarnissaannik periarfissiisuulluni tunniussivoq. Atuarfimmi siulersuisut atuarfimmi pisortat suleqatigalugit aningaasaqarnerup aalajangersarneqarnissaa isumagisarivaat.

Atorfinitsitsinermut tunngatillugu kiffaanngissuseq isumaqarpoq atuarfimmi suliassarititaasut najoqqutaralugit inuit namminneq pikkorissusaat malillugu uagut tulluartitagut atorfinitsinnissaannut periarfissaqarluta. Soorunalumi inuttat atorfinitsinneqartut taakkua toqqammaviusumik perorsaariaatsimut atatillugu aammalu isummersinnaanermut tunngatillugu isiginnittariaatsitsinnut tulluuttuunissaat pingaartilluinnartarparput.

Atuartunut tunngatillugu kiffaanngissuseq atuarfiup nammineq kikkut atuartuutigissallugit toqqaasinnaaneranut periarfissiisuuvoq. Atuartut tamarmik NIF-imi aallartinnissaminnik kissaateqartut akuerisaanermi periutsimik ingerlatsissapput – takuuk ”Atualeqqaarneq”

Atuarfiuvugut kikkut tamat avatangiisinik ilusilersueqataassallutik, ataatsimoorfimmi ataasiakkaat kikkulluunniit inissaqartinneqassallutik. Naleqartitagut, ataatsimuussuserput, tatigeqatigiinneq, ilinniarsimaneq kiisalu aamma anguniagaqarneq meeqqat ataatsimut suleqatigiissutigineranni pingaartilluinnagaraagut.

NIF-ip ullumikkut ilinniarnermi avatangiisit peqqinnartut sinaakkutini aalajaatsunik neqeroorutigai. Atuarfimmi ilinniartitsisooqatigiit pitsaasut pigineqarput, sulerusussuseqartumik piumassusilimmillu ilinniarnermi ingerlaatsimut tapertaalluinnartuusut. Atuarfiup iluani ileqqut pitsaasut patajaatsullu piupput, suleqatigiinnermi silaannarmut pitsaasumut nalimmassaaqataalluinnartut atuarfimmi sulisut, angajoqqaat atuartullu akornanni tatigeqatigiinnermit ikorfartugaasut. Atuarfiup ingerlanneqarnerani attuumassutillit tamarmik immikkut akisussaaffilimmik piumassuseqartumillu atuarfimmi sinaakkutaasunut soqutiginninnerat atuarfiup ilisarnaatigaa. Atuarfik siammasissumik toqqammaveqarpoq isummersinnaanerillu assigiinngitsut inissaqartinneqarlutik.

Anguniagaq

Atuarfimmi siunertaasoq tassaavoq sulianut tunngasumik anguniagaqarluartumik ilinniartitaanermik neqerooruteqarsinnaaneq, tamanna ataatsimuussusermik, tatigeqatigiinnermik kiisalu aamma naliginnaasumik ilinniartitaassusermik toqqammaviligaalluni. Atuarfik allannguisinnaanermik qisuariaateqarsinnaasutut eqaatsumillu ingerlassisinnaasutut ilisarnaateqarpoq.

Piffimmi najugaqarfimmut atuarfik isumalluutaalluarpoq aammalu piumassusilimmik inuiaqatigiinnut tapertaaqataalluni, ilaatigut suliniutinut inuiaqatigiinni naleqartinneqartunut peqataasarnikkut, matumani ineriartortitsinermi suliniutinut, piorsarsimassutsikkut suliniutinut, kiisalu aamma ilisimatusarnikkut misissueqqissaarnermi suliniutaasunut.

Nutaaliorsinnaaneq suleriusaavoq fag-ini tamani ingerlaaserineqartoq atuartut siunissami unamminartunik naapitaqarnissaannut patajaallisaaqataasussaq.

Nuuk Internationale Friskolemi ilinniariaatsip ingerlanneqarnera atuartut kingusinnerusukkut inuusunnermi ilinniarfissaannut piareersaasuuvoq, tamanna Kalaallit Nunaanni, Danmarkimi nunaniluunniit allani pissagaluarpat. Ingerlatseriaatsip atuartup pisariaqartitaanut tulluussarneqarnissaa periarfissaavoq.

Anguniakkamut suleriuseq

Maannamut ataatsimut isigalugu anguniakkamut ilusilersuinitsinni immikkoortortaqarfiit pingasut suliniutigivagut.

Atuarfittut anguniakkagut ersaritsikkusuppagut.

Ineriartornermut atuarfimmi atugassarititaasut killilersuinnginnissaat qulakkeerusupparput aammalu

Arlalinnut pitsaasumik iluaqutaasussamillu angusaqarusulluta.

Atuarfimmi sulisut atuarfiup siulersuisui peqatigalugit Nuuk Internationale Friskolemut naatsorsuussat piviusunut naapertuunnissaata qulakkeernissaa suliniutigisimavaat, kiisalu aamma ilinniariaatsimut tunngatillugu avatangiisinut anguniakkat ataavartinneqarnissaat kiisalu aamma siunissamut atuartunut toqqammaviliinissap siumungaaq qulakkeerneqarnissaa sulissutigisimallugu. 2015-imi novemberimi atuisut naammagisimaarinninnerannut misissuineq matumani tunaartarineqarsimavoq. Taassuma saniatigut atuarfimmi init uigunissaat sulissutigineqarpoq.

Anguniakkamut suleriuseq

Maannamut ataatsimut isigalugu anguniakkamut ilusilersuinitsinni immikkoortortaqarfiit pingasut suliniutigivagut.

Atuarfittut anguniakkagut ersaritsikkusuppagut.

Ineriartornermut atuarfimmi atugassarititaasut killilersuinnginnissaat qulakkeerusupparput aammalu

Arlalinnut pitsaasumik iluaqutaasussamillu angusaqarusulluta.

Atuarfimmi sulisut atuarfiup siulersuisui peqatigalugit Nuuk Internationale Friskolemut naatsorsuussat piviusunut naapertuunnissaata qulakkeernissaa suliniutigisimavaat, kiisalu aamma ilinniariaatsimut tunngatillugu avatangiisinut anguniakkat ataavartinneqarnissaat kiisalu aamma siunissamut atuartunut toqqammaviliinissap siumungaaq qulakkeerneqarnissaa sulissutigisimallugu. 2015-imi novemberimi atuisut naammagisimaarinninnerannut misissuineq matumani tunaartarineqarsimavoq. Taassuma saniatigut atuarfimmi init uigunissaat sulissutigineqarpoq.

Naleqartitat

NIF-imi naleqartitat suut ingerlatissanerlutigit qimerluulaartuartarpagut, taakkuummata avammut atuarfimmik nittarsaassinermi ersarissaasussat.

Naleqartitagut ulluinnarni sulinitsinni tunngavilersuutitut atortarpagut. Matumani atuartunut, angajoqqaanut, atuartitsinermi, sap. ak. – ulluni sammisaqartitsinerni imaluunniit atuarfiup angerlarsimaffiullu akorngini attaveqaqatigiinnermi tunngavilersuutigineqartarlutik.

Naleqartitagut alanngittaatitut atortarpagut, taakkuuppullu atuarfiup atuuffiinut oqquisitsisuusut.

Matumani naleqartitaasut atuarfimmi sulisut atuarfiullu siulersuisuisa suleqatigiinneranni aalajangersarneqarsimapput.

Ataatsimuussuseq. Atuartut, sulisut aammalu angajoqqaat akornanni ataatsimuussuseq nukittooq aaqqiissutissat pitsannguutaanissaannut piujuaannartitsisinnaanermullu pitsanngorsaaqataanissamut ikorfartoqatigiinnerup naapeqatigiiffeqarsinnaanerullu pingaassusaanik paasiuminartitsinerulersarpoq.

Tatigeqatigiinneq. Sakkuuvoq ataatsimuussutsit kattussinnaalersinnissaannut. Peqatigiinneq suleqatigiinnerlu tamatta immitsinnut ajunngitsumik pinissamik kissaateqatigiiffigigutta immitsinnullu inissaqartissinnaalluta aatsaat iluatsissinnaapput. Tatigeqatigiinneq atuartunut, sulisunut aammalu angajoqqaanut naleqartinneqarpoq

Ilinniagaqarsimaneq. Ataatsimuussutsimut ilaalluni immitsinnut eqqarsaatiginissamik inuiaqatigiillu eqqarsaatiginissaannik pisussaaffeqarpugut. Suliassarisatta siutsinniittut kivinnissaannut pisussaaffeqarpugut. Ilinniarsimasuuneq aqqutigalugu atuartut inuiaqatigiinnik paasinninnissaannik aqqutissiuivugut, oqaluttuarisaanikkut kiisalu aamma ullumikkumut atukkat killiffiusut tarrarsoqatigiisissinnaanerat eqqarsaatigalugu. Taamaasilluni atuartut isornartorsiuisinnaanerat kinguneqarluartussamillu eqqarsarsinnaanerat annertusineqassammat.

Anguniagaqassuseq. Pimoorussinissamut pikkorissarnissamullu piumassuseq pilerinarsilersarpoq. Soqutigisat pikkorilluinnarfigisallu aallunnerisigut atuartut ingerlatsiinnarnissaq kiisalu aamma sammisap angusaqarluarfiginerani nuannaaruteqartarneq atuartut ilikkalersarpaat. Tassani pineqarput ilisimatusarnikkut piumassusiugaluarpata, timersorneruppat, nipilersorneruppat allaagaluarpataluunniit.

Denne hjemmeside anvender cookies til at sikre, at du får den bedste oplevelse på siden. Læs mere her

Ok