Naammagisimaarinninnermut suliaqarneq/AKT

NIF-imi naammagisimaarinninnermut ilinniartitsisoqarpoq marlunnik. Taakkua ilinniartitsisut marluk atuartut naammagisimaarinninnginnerini atorneqarsinnaallutik.

Klassini ilinniartitsisoq ilinniartitsisut/perorsaasut allat peqatigalugit atuartoq naammagisimaarinninnermut oqaloqateqarnissaanik inersuussisussaavoq. Naammagisimaarinninnermi suliaqarneq ataavartumik atuartup klassemi ilinniartitsisua qanimut suleqatigalugu ingerlanneqartarpoq. Klassimi ilinniartitsisup angajoqqaat atuartup naammagisimaarinninnermut oqaloqateqarnissaanut akuersissummik piniarluni attaviginissaannut akisussaasuuvoq.

Oqaloqatigiinnermi anguniagaasoq tassaavoq atuartoq arlariinnik ulluinnaat pitsaanerusumik akiorsinnaanissaanut sakkussaqarlualernissaa.

Oqaloqatigiinnerit annertussusissaat atuartut immikkut klassimi ilinniartitsisortik peqatigalugu nalilersussavaat. Naliginnaanerpaamik oqaloqatigiinnerit amerlanerusut sapaatip akunnerisa sisamat ingerlanerini sap. ak. ataasia ingerlanneqartarput.

Taassuma saniatigut oqaloqatigiinnerni eqimattat pilersinneqarsinnaapput, matumani assersuutigalugu meeqqanut angajoqqaavi avinnikut, ilaatigut pilersinneqarsinnaasut ilagivaai, nuersaaqatigiinnerit assigisaalu, atuartut amerlanerpaartaat peqataatinneqarnissaat anguniarlugu.